Нас нэмэх нэгэнд..

Арван сар эхийн хэвлийд бүрэлдэж
Алаг хорвоод өнгө нэмэх гэж мэндэлсэн
Учиралт өдрийн ойн мэнд хүргээд
Уулзан ирэх мөч бүхэн нь
Аз жаргалаар, амжилт бүтээл, гэгээн ухаарлаар дүүрэн байхын ерөөл өргөе
Ахиад бас санаанд орсон хэдэн үгийг нэмэе

Цас адил намуухан дарах
Цаг хугацааны хэмжүүр болсон
Нас хэмээх зүгээр л тоо
Намтар, бичигтэй л үлдэх эд

Харин өнгөрсөн цаг хугацаанаас
Харанхуй арилган мандах нар шиг
Аз жаргал, баяр жаргалтай дурсамжит мөч гэдэг
Амьдралын хүндэд багана шиг дүнхийнэ

Сайхан бүхний эх булаг минь

үрийн жаргалын эдлэх л гэж
өөрийгөө дөрвөнтөө хуваасан ээжий минь
үрс биднээ хүн шиг хүн болгох л гэж
өөрийгөө умартан зүтгэсэн ээжий минь

өдөр шөнө, хар цагаан сүлэлдэх энэ орчлонд
өнөөг маргааштай холбох алд энэ биенд
үйл мөрийн уг болсон тэмдэггүй энэ сэтгэлд
үймэх олон хэргийн тургих тоосноос урьтаж

өөрөөлийг ойлгох өргөн дэлгэр ухааныг
өөдлөх торойтохын алинд ч үл алдрах чин зоригийг
өхийлдөн унавч эргээд босох тэвчээрийг
өөрийн энэрэл хайр, цэгц журам, хатуужилт явдлаараа сургав

эрхэм таны минь хайраар үүдсэн үйл бүхэн
эрх хэдэн хүүхдийнхээ зүрх сэтгэлд
эгшиг яруу аялгуу болон шингэв
элч гэгээт цацраг болон тусав

надад буй сайн сайхан бүхний эх булаг таньдаа хайртаай.

Миний сайхан ээж

Сүүний үнэр шингэсэн
Сэвлэг даахьтай байхад минь
Дууны сайхан эгшгээрээ
Эвлэг зөөлөн миний ээжий

Миний ээж сайхан ээжий
Мяндас зөөлөн уян ээжий
Бурууг хийвэл хатуу ээжий
Буурал болсон ч чадуу ээжий

Хүүгээ гэсэн намайгаа
Хүний зэрэгт хүргэх гээд
Цаг эргэх мөч бүрийд
Цацлаа өргөсөн миний ээжий

Миний ээж сайхан ээжий
Мяндас зөөлөн уян ээжий
Бурууг хийвэл хатуу ээжий
Буурал болсон ч чадуу ээжий

Ямар хүү төрүүлснээ
Ээж минь та хараарай
Ямар хүүгээр мануулснаа
Эх орон минь хараарай

Миний ээж сайхан ээжий
Мяндас зөөлөн уян ээжий
Бурууг хийвэл хатуу ээжий
Буурал болсон ч чадуу ээжий

Монголын агуу жанжин, ард түмний хүү Дамдины Сүхбаатарын журмын нөхдөд хандаж хэлсэн үг:

 “Манай цөөн ядуулаг Монгол улс, энэ зүйл их хэргийг оролдон тэнгэрийн дор, дэлхийн дээр эрдэмт хүний биеийг олж төрсөн нь гайхамшигт зохиол, эхийн хэвлийгээс гарч нялх нялзрайгаас эцэг эхийн хүмүүжүүлэн тэжээх, асралд дэгжиж өдрийг түлхэн өссөөр бие тэгшрэн, санаа олж хүмүүжсэний хойно, хэдий мэргэн, мунхаг адилгүй хүчирхэг буурай өөр боловч, аливаа хүн сурах чиглэлийг эрхэм болговол хандах зүг аяндаа тогтоно. Эв санал нэгдвэл орчлонгийн түмэн бодисыг гийгүүлэн авч хүчтэнийг хураан чадна. Түүнчлэн бидний улс эв саналыг нэгтгэн нийт нэгэн хүчийг нийлүүлэн нэгэн зэргээр зориглон хөдөлбөл үл хүрэх газаргүй бөгөөд мэдэхгүй ба чадахгүй гэх явдал огт үгүй болж гадаад дотоодын эзэрхэгийн савраас гарч, учрах зовлонгүй болж болохыг дан ганц бидний сэтгэлийн чин зориг мэднэ”

Аугаа их хөрөнгө энэрхүй сэтгэл далай лугаа байхад
Ашидын тустай ариун үйлс уулс лугаа байхад
Амин хувиа л бодох нь тогтоол усны дусал лугаа бус уу
Амин зуулгаа л харах нь шатсан үнсний ширхэг  лугаа бус уу

Хариуцлага

Өсч дээшлэхүйн үндэс хариуцлага, түүнийг үүр.
Хүн, амьтан гэдэг ч дээ үүрсэн ачааныхаа хэрээр тэнхээждэг юм уу даа.
Хүн чин сэтгэлдээ хэр ихийг багтаана, тэр хэрээрээ ухаан тэлж, билиг нэмдэг мэт.

Ангийн нөхөд минь

Аанайхан бага наснаасаа

Алаг сэтгэлгүй үерхсэн

Элээж яваа энэ насандаа

Эрдмийн өргөөнд учирсан

Их гүрэн, эх өвгөдийн голомтоо

Эзний ёсоор сахин төрсөн

Эрдэнэ зуугийнхаа дэргэд

Энгүй номын дууг сонсч өссөн