Монголын агуу жанжин, ард түмний хүү Дамдины Сүхбаатарын журмын нөхдөд хандаж хэлсэн үг:

 “Манай цөөн ядуулаг Монгол улс, энэ зүйл их хэргийг оролдон тэнгэрийн дор, дэлхийн дээр эрдэмт хүний биеийг олж төрсөн нь гайхамшигт зохиол, эхийн хэвлийгээс гарч нялх нялзрайгаас эцэг эхийн хүмүүжүүлэн тэжээх, асралд дэгжиж өдрийг түлхэн өссөөр бие тэгшрэн, санаа олж хүмүүжсэний хойно, хэдий мэргэн, мунхаг адилгүй хүчирхэг буурай өөр боловч, аливаа хүн сурах чиглэлийг эрхэм болговол хандах зүг аяндаа тогтоно. Эв санал нэгдвэл орчлонгийн түмэн бодисыг гийгүүлэн авч хүчтэнийг хураан чадна. Түүнчлэн бидний улс эв саналыг нэгтгэн нийт нэгэн хүчийг нийлүүлэн нэгэн зэргээр зориглон хөдөлбөл үл хүрэх газаргүй бөгөөд мэдэхгүй ба чадахгүй гэх явдал огт үгүй болж гадаад дотоодын эзэрхэгийн савраас гарч, учрах зовлонгүй болж болохыг дан ганц бидний сэтгэлийн чин зориг мэднэ”

Аугаа их хөрөнгө энэрхүй сэтгэл далай лугаа байхад
Ашидын тустай ариун үйлс уулс лугаа байхад
Амин хувиа л бодох нь тогтоол усны дусал лугаа бус уу
Амин зуулгаа л харах нь шатсан үнсний ширхэг  лугаа бус уу

Хариуцлага

Өсч дээшлэхүйн үндэс хариуцлага, түүнийг үүр.
Хүн, амьтан гэдэг ч дээ үүрсэн ачааныхаа хэрээр тэнхээждэг юм уу даа.
Хүн чин сэтгэлдээ хэр ихийг багтаана, тэр хэрээрээ ухаан тэлж, билиг нэмдэг мэт.

Ангийн нөхөд минь

Аанайхан бага наснаасаа

Алаг сэтгэлгүй үерхсэн

Элээж яваа энэ насандаа

Эрдмийн өргөөнд учирсан

Их гүрэн, эх өвгөдийн голомтоо

Эзний ёсоор сахин төрсөн

Эрдэнэ зуугийнхаа дэргэд

Энгүй номын дууг сонсч өссөн

Үнэнг эрэлхийлэгч

Энэрэл, хайраар түшиг хийж
Эрдэм, оюунаар жолоо хийж
Чин зоригоор илд хийж
Чин үнэний агуу сүр хүчээр

Ядарсан олондоо нөмөр
Задарсан заримд ташуур
Үр хойчдоо үлгэрлэл
Өслөх дайсанд эрлэг нь болж

Төрөх үхэхээр зааглагдах
Төгс бус ч энэ амьдалыг
Үнэний мөр, гүн ухаанаар
Үнэ цэнийг нэмэн элээюу

Гурамсан сүлжээ сургааль (Говийн Догшин ноён хутагт Дулдуйтын Данзанравжаа)

Өсөхийн цагт санууштай нь
Бишрэл, хичээл, сэтгэл гурав
Өөдлөхийн тулд нягтлууштай нь
Сургааль, үнэн, үлгэр гурав

О.Дашбалбар- Залуус дүү нартаа хүргэх шүлэг

Үзээд өнгөрөх амьдралыг мөнхийн юм шиг бодож

Үдлээд буцах хорвоог үүрдийн юм шиг сэтгэж

Залуу, идэр насаа хөгшрөхгүй юм шиг санаж

Замба тивийн элгэн дээр туйлж яваа дүү минь!

Өнгө алаг энэ хорвоо дээр

Өөрийн сайндаа чи төрөөгүй!

Өдөр өдрийн нарыг үзэж, тэнгэрийг харах

Өндөр их тавилан хайрласан аав, ээждээ баярла!

“Оюун түлхүүр” сургаалт шастир

Энэхүү сургаалыг олж унших гэж интернэтээр хэд хэдэн удаа хайж байсан ч хэсэг нь л олддог байсан. Харин саяхан санаандгүй  Шаравын Чоймаа багшийн крилл үсэгт хөрвүүлж, тайлбар хийсэн эхийг оллоо. 
Чин сайн эрдэмт хүн
Чоно хонь хоёрыг нэгэн онгоцонд услах мэт,
Чингис богдын зохиосон сургаал үүгээр
Шашин төр хоёр энх амгалан тогтох болтугай.

Номын цагаан буян дэлгэрэг.

Б.Ренчин “Залуу нас”

Алдар хүндийн тавцангаас зайдуу

Алиа наргиант цэнгэлээс хол

Хээрийн зөөлөн сэвшээ адил

Хийсэн одсон залуу нас чамайг

Хэт бардам зантны өмнүүр

Хийморь жавхааг чинь бууруулж

Уйтгарч хүлцэнгүй харагдуулсан бол

Уучлаарай намайг залуу нас минь…

Тоть шувууны сургааль

Ухаант өвөг дээдсийн минь оюун ухаан, оюун билиг, ир зоригийн  охь сургаал, шастир, түүх бахархалтай Их Монголын хойч үе бид их азтай хүмүүс.  Монголчууд оюун ухаанаараа дэлхийд цойлон гарч түвшинтгэн суух болтугай.

“Цагийн жамыг тодруулагч Цаасан шувуу” хэмээх сургаал

Говийн ноён хутагт Д.Равжаа
“Цагийн жамыг тодруулагч Цаасан шувуу” хэмээх сургаал

 Буянтай сэтгэлийг хадгалбал

Үхэвч санаа амар буй.

Учир үгүй цааз үл байна.

Уг үгүй үр үл байна.

Санал үгүй үг үл хэлнэ

Саадгүй буянаас үл хожимдох тул

Үйлдвэр юу үйлдэвч

Шалтгааныг шинжил....

Би гэж хэн бэ?

Би бага ярьдаг

Би бодлого  ганцыг боддог

Бодлогын өгөгдөл нь миний үзсэн, сонссон, мэдэрсэн, ухаарсан амьдрал

Бодлого бодох арга маань мэдрэмж, сэдэл, бодол, үйлдэл

Бодлогын маань хариу утгатай гарвал би бусдаас их ярих болно.

Бодлогын маань хариуг олоогүй бол хайсаар л байх болно.